پیرس اولمپکس کا رنگا رنگ افتتاحی تقریب سے باقاعدہ طور پر آغاز کر دیا گیا۔
بارش کے پیشین گوئی کے باوجود اولمپکس کی تاریخ میں پہلی بار افتتاحی تقریب اسٹیڈیم کے باہر منعقد کی گئی ہے۔
پریڈ کے آغاز سے چند گھنٹے قبل دریائے سین کے ساتھ رسائی کے مقامات پر لمبی قطاریں لگ گئی تھیں۔
تقریب کی سکیورٹی پر 45 ہزار پولیس اور پیراملٹری کے جوان ڈیوٹی پر ہیں
افتتاحی تقریب میں پیرس کے مشہور دریائے سین میں تقریباً 10 ہزار 500 ایتھلیٹس کی 94 کشتیوں کے 3.5 میل طویل بیڑے پر غیر روایتی انداز میں آمد ہوئی۔
دنیائے کھیل کے سب سے بڑے میلے پیرس اولمپکس کی افتتاحی تقریب میں خوبصورت مناظر اور دل کو چھو لینے والی موسیقی کی جھنکار کے ساتھ مشہور گلوکارہ لیڈی گاگا اور فلم ٹائی ٹینک کا ٹائٹل سانگ گانے والی گلوکارہ سیلین ڈیان نے آواز کا جادو جگایا.
افتتاحی تقریب میں 3 ہزار کے لگ بھگ فنکاروں نے پرفارم کیا۔
کشتیوں پر آمد کے بعد اولمپکس میں حصہ لینے والے والے ہر ملک ایتھلیٹس کی نمائندگی کرنے والے علمبرداروں نے اولمپکس کے ترانے، اولمپکس کی پرچم کشائی اور اولمپکس کی مشعل روشن کیے جانے کے لیے ایفل ٹاور نیچے قطاریں بنائیں۔
پاکستانی دستے کی آمد دیگر چار ملکوں کے دستوں کے ہمراہ کشتی پر ہوئی ، پاکستانی دستے کے علاوہ کشتی پر نیوزی لینڈ، عمان، یوگنڈا اور ازبکستان بھی تھے۔
