5
حج کی ادائیگی کے لیے سعودیہ میں موجود ایرانی عالم غلام رضا قاسمیان کو سعودی حکومت کیخلاف تنقیدی مواد سوشل میڈیا پر پوسٹ کرنے پر گرفتار کرلیا گیا ہے۔
غلام رضا قاسمیان پر الزام ہے کہ انہوں نے سعودی حکومت کے خلاف تنقیدی مواد سوشل میڈیا پر شائع کیا۔
ایرانی عدلیہ اور وزیر خارجہ عباس عراقچی نے اس اقدام کی سخت مذمت کی ہے۔
عراقچی نے واضح کیا کہ حج جیسے مقدس موقع پر ایسے واقعات نہ صرف مسلم اتحاد کو ٹھیس پہنچاتے ہیں بلکہ خطے میں استحکام کے لیے جاری مثبت پیش رفت کو بھی نقصان پہنچا سکتے ہیں۔
ان کا کہنا تھا کہ ایران سعودی عرب کے ساتھ تعلقات کی بہتری کو سبوتاژ کرنے کی اجازت نہیں دے گا۔
سعودی وزارت اطلاعات نے تاحال اس معاملے پر کوئی تبصرہ نہیں کیا ہے۔
