سعودی عرب ایشین فٹ بال کپ کے ناک آئوٹ مرحلے میں جگہ بنانے میں کامیاب

سعودی عرب کی فٹ بال ٹیم نے کرغزستان کو دو صفر سے شکست دے کر ایشیا کپ کے ناک آؤٹ مرحلے کے لیے کوالیفائی کر لیا۔

قطر کے احمد بن علی اسٹیڈیم میں ہونے والے مقابلے میں جیت کے بعد سعودی عرب گروپ ایف میں چھ پوائنٹس کے ساتھ پہلے نمبر پر آگیا۔

سعودی عرب کی جانب سے 35 ویں منٹ میں محمد کانو نے پہلا جبکہ 84 ویں منٹ میں فیصل الغامدی نے دوسرا گول سکور کرتے ہوئے ٹیم کو جیت سے ہم کنار کیا۔