3
ریاض میں تعینات ایرانی سفیر علی رضا عنایتی نے سعودی وزیر دفاع شہزادہ خالد بن سلمان بن عبدالعزیز کے حالیہ دورہِ تہران کو “اہم موڑ” قرار دیا ہے۔
ایرانی سفیر کا کہنا تھا کہ “وزیر دفاع کی آمد کے ساتھ ہم ایک نئے دور میں داخل ہو چکے ہیں”۔
عنایتی نے مزید کہا کہ ایران نے پچھلے دو برسوں میں ٹھوس اور مثبت اقدامات کیے ہیں اور وہ مستقبل کے حوالے سے پُرامید ہے۔ سفیر کے مطابق “ہم خوش ہیں، اور اس مفاہمت کے ثمرات سمیٹ رہے ہیں”۔
گذشتہ جمعرات کو سعودی وزیر دفاع نے ایک اعلیٰ سطحی وفد کے ہمراہ تہران کا سرکاری دورہ کیا تھا۔
یہ تاریخی دورہ ایسے وقت میں ہوا ہے جب سعودی عرب اور ایران کے تعلقات میں بہتری کا آغاز ہو چکا ہے۔ دونوں ممالک نے 10 مارچ 2023 کو بیجنگ (چین) میں ایک معاہدے کے ذریعے سفارتی تعلقات کی بحالی کا اعلان کیا تھا۔
