سویڈن کی ایک عدالت نے ٹیکسی میں اسرائیلی سفارتخانے کی جانب جانے والے 15 سالہ لڑکے کو نیم خودکار ہتھیار رکھنے کا مجرم قرار دیا۔
اس لڑکے کو 16 مئی کو اس وقت گرفتار کیا گیا تھا جب پولیس نے دارالحکومت میں اسٹاک ہوم کے جنوب میں ٹائریسو کے مضافاتی علاقے میں ایک ٹیکسی کو اسرائیلی سفارت خانے کے راستے پر روکا۔ لڑکے نے اپنی جیکٹ میں ہتھیار رکھا ہوا تھا۔
اگلی رات ایک 14 سالہ لڑکے کو اسرائیلی سفارت خانے کے قریب فائرنگ کے بعد گرفتار کیا جس سے ابھی تفتیش جاری ہے۔
عدالتی فیصلے کے مطابق 15 سالہ نوجوان جسے (18 سال سے کم عمر افراد کے لیے) نابالغ نگرانی کے تحت 11 ماہ کی سزا سنائی گئی تھی، نے ناکا شہر کی ضلعی عدالت کو بتایا کہ اسے ڈیلیوری کے لیے ٹائریسو میں ایک چیز لینے کا حکم دیا گیا تھا۔
اس نے بتایا کہ وہ سوچ رہا تھا کہ منشیات وصول کرنی ہوں گی اور بعد میں انکشاف ہوا کہ وہ ہتھیار تھا۔
اس نے کہا کہ جب وہ ٹیکسی میں بیٹھا تو پتہ چلا کہ وہ اسرائیلی سفارت خانے جا رہا تھا۔ یہ ٹیکسی ایک خاتون نے اس کے لیے منگوائی تھی۔
ٹیکسی ڈرائیور نے تصدیق کی کہ ایک خاتون نے اسے سفارت خانے کا پتہ دیا تھا۔ خاتون کی شناخت نہیں ہوئی ہے۔
نوعمر نے عدالت کو بتایا کہ اسے محسوس ہوا کہ اسے دھوکہ دیا گیا لیکن پھر بھی وہ تفویض کردہ کام کے ساتھ آگے بڑھ گیا۔
استغاثہ نے لڑکے کے اسمارٹ فون سے شواہد پیش کیے جس سے ظاہر ہوتا ہے کہ اس نے سفارت خانے کا راستہ دیکھا تھا اور عدالت نے فیصلہ دیا کہ نوجوان “خواہ ٹیکسی ڈرائیور کو پتہ نہیں دے سکا لیکن یہ بات جانتا تھا کہ وہ سفارت خانے تک جا رہا تھا۔”
عدالت نے کہا، اسلحہ سفارت خانے کے راستے میں دریافت ہوا۔ اس حقیقت کا مطلب تھا کہ “اس ہتھیار کے مجرمانہ طور پر استعمال ہونے کا خدشہ تھا۔”
تاہم عدالت نے اس بات پر زور دیا کہ اس رات “دراصل کیا کرنے کا منصوبہ بنایا گیا تھا اس کے بارے میں اس مقدمے میں کوئی تحقیقات نہیں ہوئیں”۔ یہ معلوم نہیں ہوا کہ پولیس نے ٹیکسی کیوں روکی۔
سویڈن کی انٹیلی جنس ایجنسی ساپو نے 30 مئی کو ایران پر سویڈن میں جرائم پیشہ گروہ کے ارکان کو پراکسی کے طور پر بھرتی کرنے کا الزام عائد کیا جن میں سے کچھ بچے تھے۔ انہیں “سویڈن میں دیگر ریاستوں، گروہوں یا لوگوں کے خلاف تشدد کی کارروائیاں کرنے کے لیے بھرتی کیا گیا جنہیں ایران اپنے لیے خطرہ سمجھتا ہے۔”
ساپو نے خاص طور پر “سویڈن میں اسرائیلی اور یہودی مفادات، اہداف اور کارروائیوں” کا حوالہ دیا۔
31 جنوری کو پولیس کو اسرائیلی احاطے کے میدان میں ایک فعال دستی بم ملا۔
