بھارت کے معروف اداکار سیف علی خان پر چاقو حملے کے بعد پولیس نے حملہ آور کی سی سی ٹی وی فوٹیج حاصل کر لی۔
سی سی ٹی وی فوٹیج میں دیکھا جاسکتا ہے کہ مشتبہ شخص اداکار کے گھر کی سیڑھی سے داخل ہو رہا ہے، اس نے ٹی شرٹ اور جینز پہن رکھی ہے جبکہ اس کے کندھے پر نارنجی رنگ کا اسکارف ہے۔
پولیس ذرائع نے ادارکار کے گھریلو عملے کا حوالے دیتے ہوئے این ڈی ٹی وی کو بتایا کہ حملہ آور نے سیف علی خان سے ایک کروڑ روپے کا مطالبہ کیا۔
واضح رہے کہ سیف علی خان 16 جنوری کو رات دیر گئے تقریبا ڈھائی بجے ان کے ممبی کے پوش علاقے باندرا میں گھر میں مبینہ ڈکیتی کے دوران مزاحمت پر حملہ آور نے زخمی کر دیا تھا۔
رپورٹ کے مطابق سیف علی خان پر چاقو کے 6 وار کیے گئے، جس میں سے دو وار شدید تھے اور دو وار ریڑھ کی ہڈی کے قریب کیے گئے تھے۔
بعد ازاں، شدید زخمی ہونے والے بولی وڈ اداکار سیف علی خان کی سرجری کردی گئی تھی
سیف علی خان کی ٹیم کی جانب سے جاری کردہ بیان میں کہا گیا ہے کہ ڈاکٹروں نے اداکار کی حالت خطرے سے باہر قرار دے دی۔
