شمالی وزیرستان میں بارودی سرنگ کا دھماکا، 2 فوجی جوان ہلاک

شمالی وزیرستان میں فورسز کی گاڑی بارودی سرنگ سے ٹکرا گئی، دھماکے میں 2 جوان ہلاک ہوگئے۔

آئی ایس پی آر کے مطابق شمالی وزیرستان کے علاقے رزمک میں دہشت گردوں کے خاتمے کیلئے جاری کلیئرنس آپریشن کے دوران فورسز کی گاڑی بارودی سرنگ سے ٹکرا گئی۔

ترجمان کے مطابق دھماکے میں 2 جوان مارے گئے، جن میں 33 سالہ لانس نائیک احسان بادشاہ کا تعلق کرک اور 30 سالہ لانس نائیک ساجد حسین کا تعلق کرم سے تھا۔

آئی ایس پی آر کے مطابق سیکیورٹی فورسز دہشتگردی کے خاتمے کیلئے پُرعزم ہیں، بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔