امریکی نیشنل آرکائیوز نے صدر جو بائیڈن کے خلاف تحقیقات میں تقریباً چھ ہزار صفحات پر مشتمل ای میلز ایوانِ نمائندگان کی نگران کمیٹی کے حوالے کردی ہیں۔
ایوان نمائندگان میں ڈیموکریٹک پارٹی سے تعلق رکھنے والے ایک سینئر معاون نے بتایا کہ نیشنل آرکائیوز نے امریکی صدر اور ان کے بیٹے ہنٹر کے خاندان سے متعلق 20 ہزار سے زائد صفحات پر مشتمل ای میلز شائع کیں۔
امریکی نیشنل آرکائیوز کی جانب سے 75,000 سے زیادہ دیگر پیجز کا ریکارڈ بھی ہاؤس ریپبلکنز کے حوالے کیا گیا ہے۔
آرکائیوز کی طرف سے بائیڈن انتظامیہ کی طرف سے زیادہ وسیع پیمانے پر رکاوٹ ڈالنے کے الزامات بھی عائد کئے گئے۔
ای میلز میں کمیٹی کی جانب سے متعدد درخواستوں کا احاطہ کیا گیا ہے۔ ان میں وہ دستاویزات بھی شامل ہیں جن میں اس وقت کے نائب صدر بائیڈن کا تخلص استعمال کیا گیا تھا۔ بائیڈن کی 2015 میں یوکرین کی مقننہ کو دی گئی تقریر کا مسودہ اور ہنٹر بائیڈن یا اس کے کاروباری ساتھیوں کے ساتھ ان کی بات چیت بھی شامل ہے۔
امریکہ میں براک اوباما دور کی حساس دستاویزات نیشنل آرکائیو کے بجائے گھر پر رکھنے پر صدر بائیڈن کے خلاف تحقیقات جاری ہیں۔
