افریقی ملک صومالیہ کے دارالحکومت موغادیشو میں ایک فوجی اڈے پر ہوئے حملے میں کم از کم پانچ فوجی جاں بحق ہو گئے۔
متحدہ عرب امارات کی وزارت دفاع نے اپنے بیان میں کہا کہ حملے میں اس کی مسلح افواج کے تین ارکان اور ایک بحرینی افسر مارے گئے ہیں، وہ لوگ صومالی مسلح افواج کو تربیت دینے کے لیے وہاں موجود تھے۔
یو اے ای کی جانب سے جاری کردہ بیان کے مطابق اس حملے میں کچھ فوجی زخمی بھی ہوئے ہیں، تحقیقات جاری ہے اور صورتحال کا تعین کرنے کے لیے صومالی حکومت سے رابطے میں ہیں۔
ایک افسر نے میڈیا کو بتایا کہ حملہ آور ایک نیا تربیت یافتہ صومالی فوجی تھا جسے متحدہ عرب امارات کے زیر انتظام گورڈن نامی فوجی اڈے پر گولی مار کر ہلاک کر دیا گیا۔
اس افسر نے بتایا کہ فوجی نے اماراتی ٹرینرز اور صومالی فوج کے اہلکاروں پر اس وقت فائرنگ کی جب وہ نماز پڑھ رہے تھے، اور اس حملے میں چار اہلکار زخمی جب کہ 5 فوجی ہلاک ہوگئے۔
