عامر، سلمان اور شاہ رخ خان کی اننت امبانی کی شادی میں ڈانس کی ویڈیو وائرل

ایشیا کے امیر ترین لوگوں میں شامل بھارتی بزنس ٹائیکون مکیش امبانی کے بیٹے کی شادی سے پہلے کی تقریبات میں بولی وڈ کے تین بڑے نام شاہ رخ خان، سلمان خان اور عامر خان نے ایک ساتھ رقص کرکے مداحوں کے دل جیت لیے۔

بھارت کے شہر جام نگر میں اننت امبانی اور رادھیہ مرچنٹ کی شادی سے پہلے کی تقریبات  میں دنیا بھر سے مختلف نامور شخصیات شریک ہیں۔

اس دوران کرینہ کپور، عالیہ بھٹ، رنویر سنگھ، ورون دھون سمیت بولی وڈ کے بڑے نام بھی ایک چھت کے نیچے موجود تھے، بولی وڈ کے خانز کے نام سے مشہور شاہ رخ خان، سلمان خان اور عامر خان نے بھی شرکت کی۔

دلچسپ بات یہ ہے کہ تمام بولی وڈ اسٹارز ایک بس میں بیٹھ کر تقریب میں پہنچے۔

View this post on Instagram

انسٹاگرام اور ایکس پر گردش کرنے والی ویڈیو میں شاہ رخ خان، سلمان خان نے سیاہ کُرتا پہنا جبکہ عامر خان نے ہرے رنگ کا کرتا پاجامہ زیب تن کیا۔

تینوں بولی وڈ اسٹاز نے اسٹیج پر ایک ساتھ ’ناٹو ناٹو‘ پر رقص کیا جس سے ہال تالیوں سے گونج اٹھا۔

شائقین بھی تینوں خانز کو پرفارمنس کے لیے دوبارہ اکٹھے ہوتے دیکھ کر بہت خوشی کا اظہار کیا۔

ایک اور ویڈیو میں شاہ رخ خان نے اکیلے اسٹیج پر اپنی بلاک بسٹر فلم ’پٹھان‘ کے گانے پر رقص کرکے مداحوں کے دل جیتے۔

View this post on Instagram

دوسری جانب ایک ویڈیو میں دپیکا پڈوکون اپنے شوہر رنویر سنگھ کے ساتھ ڈانڈیا رقص کررہی ہیں۔

View this post on Instagram

اس دوران مائکروسافٹ کے شریک بانی بل گیٹس، فیس بک کے بانی مارک زکر برگ، اور سابق امریکی صدر ڈونلڈ ٹرمپ کی بیٹی ایوانکا ٹرمپ نے بھی تصاویر بنوائیں۔