عراقی فضائیہ کا ایک ہیلی کاپٹر الیکشن کی ڈیوٹی کی انجام دہی کے دوران گر کر تباہ ہوگیا جس کے نتیجے میں ایک پائلٹ ہلاک اور دوسرا شدید زخمی ہوگیا۔
عراقی فضائیہ کے ہیلی کاپٹر نے حساس علاقے کی نگرانی کے لیے کرکوک کے جنوب میں واقع طوز خورماتو کے باہر ایک ایئربیس سے پرواز بھری تھی تاہم کچھ ہی دیر بعد کنٹرول ٹاور سے رابطہ منتقل ہوگیا تھا۔
ہیلی کاپٹر کی تلاش کے لیے سرچ ٹیم کو بھیجا گیا جسے ہیلی کاپٹر کا ملبہ ایک پہاڑی علاقے سے مل گیا۔ ملبے سے ایک پائلٹ کی لاش نکالی گئی جب کہ ایک کو زخمی حالت میں اسپتال منتقل کیا گیا ہے۔
عراقی فضائیہ کے ترجمان کی جانب سے جاری بیان میں بتایا گیا ہے کہ ہیلی کاپٹر تکنیکی مسائل کے باعث گرکر تبا ہوا تاہم واقعے کی تحقیقات کے لیے انکوائری کمیٹی تشکیل دیدی گئی۔
عراق میں آج ہونے والے صوبائی الیکشن میں ٹرن آؤٹ 41 فیصد رہا جب کہ ابتدائی نتائج اگلے روز سامنے آنے کا امکان ہے۔
