غزہ میں اسرائیلی کارروائیاں جاری، 24 گھنٹوں میں مزید 306 فلسطینی قتل

غزہ میں اسرائیل نے بمباری کرکے چوبیس گھنٹوں کے دوران مزید 306 فلسطینی شہری قتل کردیئے گئے۔

فلسطینی وزارت صحت کی جانب سے جاری بیان کے مطابق 7 اکتوبر سے اب تک مرنے والے فلسطینی شہریوں کی تعداد 10 ہزار 328 ہوگئی ہے۔

بیان میں بتایا گیا کہ گزشتہ 24 گھنٹوں کے دوران اسرائیلی کارروائیوں کے دوران 78 خواتین اور 139 بچے مارے گئے۔

7 اکتوبر سے مجموعی طور پر غزہ میں اب تک 2ہزار719 خواتین اور 4زار 237 بچے مارے گئے ہیں۔

فلسطینی وزارت صحت نے بتایا کہ 25 ہزار 965 سے زائد فلسطینی زخمی ہیں۔ اب تک غزہ کے 50 فیصد اسپتال جبکہ 62 فیصد طبی مراکز بمباری یا ایندھن ختم ہونے کی وجہ سے بند ہوچکے ہیں۔