37
اسرائیل کی جانب سے غزہ میں بمباری ساتویں ماہ میں داخل ہوچکی ہے۔
اسرائیلی فوج کی غزہ کے نصیرات کیمپ میں بمباری سے مزید 43 فلسطینی ہلاک جبکہ درجنوں زخمی ہوگئے
اسرائیلی طیاروں نے خان یونس میں یورپین اسپتال کے اطراف میں بھی بم برسائے۔
قابض فوج کی مغربی کنارے میں بھی کارروائیاں جاری ہے، مختلف علاقوں سے کئی فلسطینیوں کو گرفتار کیاگیا جبکہ یہودی آبادکاروں نے بھی فوجیوں کی سرپرستی میں کارروائیاں کرتے ہوئے مغربی کنارے میں زیتوں کے 30 درخت اکھاڑ دیئے۔
واضح رہےکہ 7 اکتوبر سے غزہ پر اسرائیلی حملوں میں کم از کم 33 ہزار 729 فلسطینی ہلاک ور 76 ہزار 371 زخمی ہو چکے ہیں۔
