غزہ کی شہری دفاع کی ایجنسی نے کہا ہے کہ اسرائیلی فضائی حملوں میں امدادی ٹرکوں کی حفاظت کرنے والے 12 محافظوں سمیت 58 افراد ہلاک ہو گئے۔
اسرائیلی فوج کا کہنا ہے کہ اس نے ٹرکوں کو ہائی جیک کرنے کی منصوبہ سازی کرنے والے عسکریت پسندوں کو نشانہ بنایا ہے۔
اسرائیلی فوج نے کہا کہ اس کی فورسز نے جنوبی غزہ میں اسرائیل کے نامزد انسانی ہمدردی کے ایک زون میں موجود حماس کے مسلح عسکریت پسندوں پر رات بھر درست نشانے پر جانچ کر حملے کیے تھے ۔
فوج کے ایک بیان میں کہا گیا، ’’ تمام ہلاک دہشت گرد حماس کے ارکان تھے اور انہوں نے انسانی ہمدردی کے امدادی ٹرکوں کو پرتشدد طریقے سے ہائی جیک کرنے اور انہیں دہشت گردی کی جاری سر گرمی کی مدد کے لیے منتقل کرنے کا منصوبہ بنایا تھا۔
غزہ کی سول ڈیفینس ایجنسی کے ترجمان محمود بسال نے کہا کہ جنوبی غزہ کے علاقے رفح میں کیے گئے ایک حملے میں سات اورقریبی علاقے خان یونس میں ایک او ر حملے میں پانچ محافظ ہلاک ہوئے۔
ترجمان محمود بسال نے اے ایف پی کو بتایا کہ (اسرائیلی ) قابض نے ایک بار پھر ان کو نشانہ بنایا جو امدادی ٹرکوں کی حفاظت کر رہے تھے، اگرچہ اسرائیلی فوج نے کہا ہے کہ وہ انسانی ہمدردی کے امدادی ٹرکوں پر حملہ نہیں کرتی۔
