غزہ میں چار روزہ عارضی جنگ بندی کا آج آخری روز

غزہ میں چار روزہ عارضی جنگ بندی کا آج آخری روز ہے

ذارئع کا کہنا ہے بیک ڈور مذاکرات کے نتیجے میں حماس جنگ بندی میں 2 سے 4 روز کی توسیع پر رضامند ہوگئی ہے۔

جنگ بندی میں توسیع کی صورت میں مزید 20 سے 40 اسرائیلی قیدیوں کی رہائی ہوسکے گی۔

امریکی صدر جوبائیڈن نے کہا کہ قیدیوں کے تبادلے کے لیے لڑائی میں وقفہ جاری رہنے کی امید ہے۔

فرانسیسی وزیر خارجہ نے بھی جنگ بندی میں توسیع کی حمایت کی ہے۔

اتوار کو غزہ میں عارضی جنگ بندی کے تیسرے روز حماس نے اسرائیل کے مزید 14 یرغمالی رہا کئے جس میں اسرائیلی امریکی بچی سمیت 9 بچے، 4 خواتین اور ایک روسی اسرائیلی شامل تھا۔

حماس کی جانب سے 3 تھائی شہریوں کو بھی رہا کردیا گیا۔اسرائیل نے بدلے میں مذید 39 فلسطینی قیدیوں کو رہا کیا۔

اس دوران ایندھن اور گیس کے چار ٹرکوں سمیت مزید 120 امدادی ٹرک بھی غزہ میں داخل ہوئے۔