فلسطینی وزارت صحت کی جانب سے جاری بیان کے مطابق گزشتہ 24 گھنٹوں کے دوران اسرائیلی بمباری سے 481 فلسطینی جان سےگئے۔
اسرائیلی حملوں میں مجموعی طور پر اب تک 7ہزار 28 فلسطینی مارے جا چکے ہیں، مرنے والوں میں 2ہزار 913 بچے اور 1ہزار 709 خواتین بھی شامل ہیں۔
فلسطینی وزارت صحت نے بتایا کہ اسرائیلی بمباری سے زخمی ہونے والے شہریوں کی تعداد 20 ہزار سے تجاوز کر گئی ہے۔ 940 بچوں سمیت 1650 فلسطینی لاپتا ہیں۔ امکان ہے کہ لاپتا افراد تباہ شدہ عمارتوں کےملبے تلےدبے ہوئے ہیں۔
فلسطینی وزارت صحت کا کہنا تھا کہ اسرائیلی جارحیت سے اب تک 12 اسپتال اور 57 طبی مراکز مکمل طور پر ناقابل استعمال ہوچکے ہیں۔
7 اکتوبر کو حماس کے حملوں میں 1400 اسرائیلی مارے گئے تھے جبکہ 200 سے زائد شہریوں کو یرغمال بنایا گیا تھا
دوسری جانب معروف امریکی اخبار نیویارک ٹائمز نے اسرائیل کوالاہلی اسپتال کی تباہی کا ذمہ دارقراردے دیا
امریکی اخبار کے مطابق شواہد اور کے مطابق اسپتال کو نشانہ غزہ کے بجائے اسرائیل سے بنایا گیا ہے۔
