فرنچ اوپن بیڈمنٹن : پسرلا وینکٹا سندھو دوسرے راؤنڈ میں داخل

فرنچ اوپن بیڈ منٹن ٹورنامنٹ کے کانٹے دار مقابلے فرانس میں جاری ہیں ۔

بھارت کی نامور بیڈ منٹن کھلاڑی پسرلا وینکٹا سندھو نے  فرنچ اوپن بیڈ منٹن ٹورنامنٹ کا فاتحانہ آغاز کیا۔

  خواتین کے سنگلز مقابلوں کے پہلے راؤنڈ میں بھارتی پسرلا وینکٹا سندھو انڈونیشیا کی کھلاڑی گریگوریہ ماریسکا کے ہاتھوں پہلے سیٹ میں 21-12 سے شکست کے باوجود اگلے دونوں اسٹریٹ سیٹس میں 18-21 اور 15-21 سے ان کو شکست دے کر نہ صرف ٹورنامنٹ کا فاتحانہ آغاز کر دیا بلکہ دوسرے راؤنڈ کے لئے بھی کوالیفائی کرلیا۔

28 سالہ بھارتی پسرلا وینکٹا سندھو کا مقابلہ دوسرے راؤنڈ میں تھائی بیڈمنٹن کھلاڑی سوپانیڈا کیتھونگ سے ہوگا۔