آسٹریلیا کے وزیراعظم اینتھونی البانیز کے خلاف فلسطینیوں کی نسل کشی میں شریکِ جرم ہونے کے الزام میں عالمی عدالت انصاف میں دعویٰ دائر کر دیا گیا۔
آسٹریلوی وزیر اعظم اینتھونی البانیزکے خلاف دعویٰ آسٹریلیا کی معروف لاء فرم نے دائر کیا ہے۔
آسٹریلیا کے وزیراعظم کے خلاف دائر دعویٰ پر 100 سے زائد وکلا کے دستخط ہیں، دعوے میں آسٹریلوی کابینہ اور پارلیمان کے اہم ارکان کو بھی شریک جرم ٹھہرایا گیا ہے۔
ملزمان پر اقوام متحدہ کی فلسطینیوں کے لیے امدادی تنظیم اُنروا کی فنڈنگ روکنے اور اسرائیل کو فوجی امداد دینے کا بھی الزام لگایا گیا ہے۔
اس کے علاوہ ان افراد پرآسٹریلوی باشندوں کو غزہ پر حملوں کی اجازت دینے کا بھی الزام ہے جبکہ آسٹریلوی وزیر اعظم پراسرائیل کی حمایت کرکے فلسطینی نسل کشی ممکن بنانے کا الزام عائد کیا گیا ہے۔
اینتھونی البانیز آرٹیکل 15 کے تحت عالمی عدالتِ انصاف کو ریفر ہونے والے پہلے مغربی لیڈر ہیں۔
دوسری جانب آسٹریلیا کے وزیراعظم نے دعوے کو مسترد کیا اور کہا کہ یہ دعویٰ آگے نہیں بڑھے گا۔
عالمی عدالتِ انصاف کا دفترِ استغاثہ دعوے کا ابتدائی جائزے لے گا، جائزے کے بعد فیصلہ ہوگا کہ آیااس معاملے کی تفتیش شروع کرنے کی وجوہات ہیں۔
