36
سعودی عرب نے اسرائیل کے لیے فلسطینی ریاست کو تسلیم کرنا ضروری قرار دیا ہے۔
بیلجیم کے دارالحکومت برسلز میں میڈیا سے بات کرتے ہوئے سعودی وزیرخارجہ فیصل بن فرحان نے کہا کہ اسرائیل کے مفاد میں ہے کہ وہ فلسطین کو تسلیم کرلے کیونکہ وہ فلسطینی ریاست کے وجود کے بغیر قائم نہیں رہ سکتا۔
سعودی وزیر خارجہ نے تشویش کا اظہار کیا کہ اسرائیل موجودہ حالات میں اس بات کو سمجھنے سے گریزاں ہے۔ علاوہ ازیں انہوں نے ایک سوال کے جواب میں کہا کہ دو ریاستی حل فلسطین اور اسرائیل کے مفاد میں ہے۔
ان نے دونوں فریقین پر مذاکرات پر زور دیتے ہوئے کہا کہ مغویوں کی رہائی ہونی چاہیے، فوری مذاکرات ہونے چاہیے کیونکہ غزہ کے لوگ زیادہ انتطار نہیں کرسکتے۔
