فن لینڈ کے شہر وناٹا میں 12 سالہ لڑکے نے اسکول میں فائرنگ کردی، جس کے نتیجے میں تین بچے زخمی ہو گئے،۔
وناٹا میں واقع اسکول میں تقریبا 800 بچے زیر تعلیم ہیں جبکہ 90 افراد کا عملہ ہے، گریڈ اول تا 9 یا 7 سال سے15 سال کے بچے پڑھتے ہیں۔
پولیس نے بتایا کہ فائرنگ کے واقعے میں متعدد افراد زخمی ہوئے ہیں، پولیس مقامی وقت کے مطابق صبح 9 بج کر 8 منٹ پر جائے وقوعہ پر پہنچی، بعد ازاں بتایا کہ مشتبہ لڑکا اور زخمی ہونے والوں تمام کی عمریں 12 سال ہیں۔
پولیس نے اپڈیٹ دیتے ہوئے بتایا کہ جس لڑکے پاس بندوق تھی، اسے ہیلنسکی سے ’پرسکون انداز‘ میں گرفتار کر لیا گیا ہے۔
اسکول میں زیرتعلیم بچوں کے والدین نے میڈیا کو بتایا کہ فائرنگ کلاس روم میں کی گئی۔
فن لینڈ کی وزیر داخلہ ماری رانٹینن نے سماجی رابطے کی ویب سائٹ ایکس پر ایک بیان میں کہا کہ دن کا آغاز صدمے کے ساتھ ہوا ہے۔
ان کا کہنا تھا کہ میں اس موقع پر خاندانوں کے دکھ اور پریشانی کا صرف تصور کرسکتی ہوں، جس سے وہ گزر رہے ہیں۔
