روسی قانون سازوں نے ایک بل تیار کیا ہے جس میں ایسے لوگوں کی دولت اور جائیداد ضبط کرنے کی اجازت دی گئی ہے جو ملک کی مسلح افواج کے بارے میں “جان بوجھ کر غلط معلومات” پھیلاتے ہیں۔
ریاستی ڈوما کے اسپیکر ویاچسلاو ولوڈن نے کہا کہ اس اقدام کا اطلاق ان لوگوں پر بھی ہو گا جو مسلح افواج کو “بدنام” کرنے، روس کے خلاف پابندیوں کا مطالبہ یا انتہا پسندانہ سرگرمیوں کے لئے کسی کو اکسائیں گے۔
ولوڈن نے ٹیلی گرام پر لکھا، “ہر کوئی جو روس کو تباہ کرنے کی کوشش کرتا ہے، جو اس کے ساتھ غداری کرتا ہے، اسے سزا کا مستحق ہونا چاہیے اور ملک کو پہنچنے والے نقصان کی تلافی ان کی اپنی جائیداد کی قیمت پر کرنی چاہیے۔”
انہوں نے کہا کہ یہ بل پیر کو پارلیمنٹ کے ایوان زیریں اسٹیٹ ڈوما میں لایا جائے گا۔
فروری 2022 میں یوکرین میں اپنی فوج بھیجنے کے بعد سے، روس نے سیاسی اختلاف ہر لگائی گئی پابندیاں کو مزید تیز کر دیا ہے۔ گزشتہ سال مارچ میں منظور کیے گئے قوانین کے تحت، مسلح افواج کو بدنام کرنا یا ان کے بارے میں غلط معلومات پھیلانے پر طویل قید کی سزا دی جا سکتی ہے۔
