فیض آباد دھرنا کیس،تحقیقاتی کمیشن کا جنرل (ر)فیض حمید کو بلانے کا فیصلہ

سپریم کورٹ آف پاکستان کے بعد فیض آباد دھرنا کیس کے تحقیقاتی کمیشن نے بھی آئی ایس آئی کے سباق سربراہ ریٹائرڈ لیفٹیننٹ جنرل فیض حمید کو بلانے کا فیصلہ کرلیا ہے۔

لیفٹیننٹ جنرل ریٹائرڈ فیض حمید کو آئندہ ہفتے طلبی کا نوٹس جاری کیا جاسکتا ہے۔

تحقیقاتی کمیشن میں آئی بی کے افسر ساجد کیانی نے تین گھنٹے طویل بیان بھی ریکارڈ کرا دیا جو دوہزار سترہ میں ایس ایس پی آپریشنز اسلام آباد کے عہدے پر خدمات سرانجام دے رہے تھے۔

ساجد کیانی نے تحقیقاتی کمیشن میں ریکارڈ کرائے گئے بیان میں تحریک لبیک کے خلاف آپریشن میں کسی بھی بیرونی مداخلت کی تردید کی۔ اس کے علاوہ فیض آباد دھرنے کے موقع پر تعینات آئی جی اسلام آباد خالد خٹک کو بھی طلب کرلیا گیا ہے۔

واضح رہے کہ فیض آباد دھرنے کے وقت لیفٹیننٹ جنرل(ر)فیض حمیدآئی ایس آئی کےڈی جی سی تھے۔