امریکی صدر ڈونلڈ ٹرمپ قطر کے شاہی خاندان سے 40 کروڑ ڈالر مالیت کے لگژری جہاز کا تحفہ قبول کرنے کے لیے تیار ہیں، جو وہ بطور ایئرفورس ون استعمال کریں گے۔
قطر کی جانب سے یہ تحفہ آئندہ ہفتے امریکی صدر ڈونلڈ ٹرمپ کے دورہ قطر میں کیا جائے گا۔
امریکہ کے صدر ڈونلڈ ٹرمپ نے نئے ایئر فورس ون طیارے کو بطور تحفہ قبول کرنے کے منصوبے کا دفاع کیا ہے۔
قطر کا نام لئے بغیر سوشل میڈیا پوسٹ میں ٹرمپ نے دعویٰ کیا کہ یہ طیارہ ایک عارضی ’تحفہ‘ ہے جو محکمہ دفاع کے حوالے کیا جائے گا اور موجودہ چار دہائی پرانے ماڈل کی جگہ لے گا۔
ٹرمپ نے کہا کہ یہ عمل ایک ’شفاف لین دین‘ کے طور پر جاری ہے۔
انہوں نے ڈیموکریٹس پر الزام عائد کیا کہ وہ بلاوجہ نئے ایئر فورس ون پر رقم خرچ کرنا چاہتے ہیں۔
قطری شاہی خاندان کی طرف سے تحفے میں دیا گیا یہ بوئنگ 747-8 جمبو جیٹ ممکنہ طور پر امریکی حکومت کو اب تک ملنے والا سب سے مہنگا تحفہ ہو گا۔
وائٹ ہاؤس اور محکمہ انصاف کا ماننا ہے کہ یہ تحفہ قانونی ہے اور رشوت نہیں کیوں کہ یہ کسی خاص فائدے یا اقدام کے بدلے میں نہیں دیا جا رہا۔
وائٹ ہاؤس کی پریس سیکریٹری کیرولین لیویٹ نے کہا کہ غیر ملکی حکومتوں کے تحائف ہمیشہ قانون کے مطابق قبول کیے جاتے ہیں۔
