ہالی وڈ اداکار آرنلڈ شیوازنیگر کو جرمنی کے میونخ ایئرپورٹ پر چند گھنٹے حراست میں رکھا گیا جس کی وجہ ان کے پاس موجود ایک قیمتی گھڑی تھی۔
مشہور فلم سیریز ٹرمینیٹر سے شہرت پانے والے اداکار آرنلڈ شیوازنیگر کے پاس موجود گھڑی کی قیمت 22 ہزار ڈالر تھی، تاہم وہ اس کے بارے میں پوچھے گئے سوالات کا تسلی بخش جواب نہ دے سکے۔
رپورٹ کے مطابق آرنلڈ میونخ میں اسی گھڑی کی نیلامی کے لیے پہنچے تھے اور اس سے حاصل ہونے والی آمدنی موسمیاتی تبدیلیوں سے سر اٹھانے والے مسائل سے نمٹنے کے لیے بنائے گئے فنڈ میں بطور عطیہ دینا چاہتے تھے۔
مزید پڑھیں
رپورٹ میں کسٹم حکام کا حوالہ دیتے ہوئے بتایا گیا ہے کہ آرنلڈ شیوارزنیگر کو لاس اینجلس سے میونخ پہنچنے کے بعد تین گھنٹے تک روک کر رکھا گیا۔
ایئرپورٹ پر اداکار کو کسٹم حکام ایک طرف لے گئے اور سامان کی تلاشی لی تو اس میں سے مذکورہ گھڑی برآمد ہوئی تاہم اس کا ذکر انہوں نے کسٹم کے فارم میں نہیں کیا تھا۔
کسٹم آفس کے ترجمان کا کہنا ہے کہ گھڑی کو رجسٹرڈ کروایا جانا ضروری تھا کیونکہ وہ ملک میں لائی جانے والی ایک انتہائی اہم چیز ہے۔
کسٹم حکام کا کہنا ہے کہ اداکار نے ان کے پاس موجود قیمتی گھڑی کا اندراج نہیں کرایا تھا
کسٹم کی جانب سے اداکار پر 35 ہزار یورو کا جرمانہ کیا ہے جس میں سے چار ہزار یورو ٹیکس اور 5000 ہزار یورو براہ راست جرمانے کے ہیں۔
کسٹمز کے ترجمان سوڈیوچ زیتنگ کا کہنا ہے کہ ’اگر ساتھ لے جانے والی چیز یورپ کے اندر ہی رہے تو اس کو کسٹمز کے پاس ڈکلیئر کرنا ضروری ہے، یہ اصول ہر کسی پر لاگو ہوتا ہے چاہے کسی کا نام آرنلڈ ہو، مُلر ہو یا پھر کوئی اور۔‘
