متنازع ٹک ٹاکر حریم شاہ نے دعویٰ کیا ہے کہ ان کے شوہر بلال شاہ کو لندن سے واپسی کے بعد سندھ کے دارالحکومت کراچی سے نامعلوم افراد ہتھیاروں کے زور پر
اغوا کر کے لے گئے ہیں، انھوں نے ٹویٹ میں کہا کہ بظاہر مریم نواز کی ایما پر میرے شوہر بلال کو کراچی سے اغواء کیا گیا ہے
بظاہر مریم نواز کی ایما پر میرے شوہر بلال کو کراچی سے اغواء کیا گیا ہے۔ آئی ایس آئی سے اپیل کرتی ہوں کہ بلال کو جلد از جلد بازیاب کرایا جائے۔ pic.twitter.com/PSpls0oJZR
— Hareem Shah (@_Hareem_Shah) September 4, 2023
ٹک ٹاکر نے شوہر کے ہمراہ پرانی تصویر ٹوئٹ کرتے ہوئے خفیہ ایجنسی ’انٹر سروسز انٹیلی جنس‘ (آئی ایس آئی) سے اپیل کی کہ ان کے شوہر کو بازیاب کروایا جائے۔
انہوں نے ٹوئٹر پر ویڈیو شیئر کی، جس میں انہوں نے واقعے سے متعلق مزید تفصیلات بتاتے ہوئے دعویٰ کیا کہ ان کے شوہر کے اغوا کو 7 دن گزر چکے ہیں۔گزشتہ ایک ہفتے سے وہ اور بلال شاہ کا خاندان ان کی بازیابی کے لیے قانونی کوششیں کر رہے تھے
انہوں نے بتایا کہ بلال شاہ کے اغوا کی شکایت متعلقہ پولیس تھانے میں بھی دے دی گئی جب کہ انہوں نے ذاتی طور پر متعدد اداروں سے بھی رابطہ کیا لیکن انہیں ان کے اغوا ہونے والے شوہر کا پتا نہ چل سکا۔
