13
بھارت کے زیر انتظام جموں و کشمیر میں پیر کو آزادی پسند جنگجو برہان وانی کی آٹھویں برسی پر بھارتی فوج کی گاڑی کو گھات لگا کر نشانہ بنایا گیا۔
بھارتی فوج کی گاڑی پر ضلع کٹھوعہ میں حملہ ہوا، بھارتی فوج کی گاڑی کو دستی بموں اور فائرنگ کا نشانہ بنایا گیا۔
حملے میں 4 بھارتی فوجی ہلاک ہوگئے۔
حکام کےمطابق حملے میں 6 بھارتی فوجی زخمی بھی ہوئے جن میں سے 2 کی حالت تشویش ناک بتائی جارہی ہے۔
حملے کے بعد بھارتی فوج نے علاقے کا محاصرہ کر کے بڑے پیمانے پر گھر گھر تلاشی کا سلسلہ شروع کر دیا۔
بھارتی فوج، نیم فوجی دستہ سینٹرل ریزرو پولیس فورس اور مقامی پولیس پر مشتمل چھاپہ مار ٹیم سرچ آپریشن میں شریک ہے۔
واض رہے کہ دو روز قبل بھی ایک جھڑپ میں 2 بھارتی فوجی مارے گئے تھے جبکہ فوجیوں کی فائرنگ سے 5 کشمیری نوجوان بھی ہلاک ہو ئے تھے۔
