ملائیشیا نے اسرائیلی مال بردار جہازوں پر پابندی لگا دی

ملائیشیا نے غزہ پر حملے کے بعد اسرائیلی مال بردار بحری جہازوں کے داخلے پر پابندی لگا دی ہے۔

ملیشین وزیر اعظم انور ابراہیم کے دفتر سے جاری ایک بیان میں کہا گیا کہ ’غزہ میں فلسطینیوں کے خلاف اسرائیل کی کارروائیوں کے جواب میں زِم شپنگ کمپنی پر فوری پابندی عائد کردی گئی ہے‘۔

بیان میں کہا گیا کہ اسرائیل فلسطینیوں کے خلاف ”قتل عام اور بربریت“ کا ارتکاب کر رہا ہے۔

اس کے ساتھ ہی ملائیشیا نے یہ بھی کہا کہ اسرائیل سے منسلک کسی بھی بحری جہاز کو ملک میں ڈاکنگ کی اجازت نہ دینے کا فیصلہ کیا گیا ہے۔

اس کے علاوہ، ’اسرائیل جانے والے کسی بھی جہاز کے ملائیشیا کی بندرگاہوں پر سامان لوڈ کرنے پر پابندی ہوگی‘۔

حکام کے مطابق ’یہ دونوں پابندیاں فوری طور پر موثر ہیں۔‘