سکھ رہنما گرپتونت سنگھ پنوں کے قتل کے منصوبے کی تحقیقات میں اہم پیش رفت سامنے آئی ہے۔
سکھ تنظیموں نے تحقیقات کیلئے ایف بی آئی کے سینئیر ڈائریکٹر کے بھارت جانے کے فیصلے کا خیرمقدم کیا ہے
سکھ فار جسٹسکے زیر انتظام سان فرانسسکو کےگولڈن برج پر ریلی نکالی گئی۔
ریلی کے شرکاء نے مودی اور جے شنکر سندھو کے وانٹیڈ والے پوسٹربھی اٹھا رکھے تھے۔
کونسل جنرل ایس ایف جے گرپتونت سنگھ پنوں کا کہنا تھا کہ سکھ، قتل کے خوف کے بغیر خودمختار خالصتان کے قیام کیلئے ریفرنڈم کے ذریعے کوششیں جاری رکھیں گے۔
گرپتونت سنگھ پنوں نے مزید کہا کہ مودی ہمیشہ سرکاری استثنی کے پیچھے نہیں چھپ سکیں گے، سکھوں، مسلمانوں اور عیسائیوں کے خلاف جرائم پر مودی کو گرفتار کرکے اس پر مقدمہ چلاکر سزا دیں گے، میرے خلاف قتل کی سازش کرنے والے نکھل گپتا اور دیگر بھارتی حکام کے خلاف الزمات درحقیقت مودی پر الزمات ہیں۔ مودی میرے قتل کے منصوبے میں براہ راست ملوث ہے۔ سکھ رہنما کا مزید کہنا تھا کہ مودی اپنے سیاسی مخالفین کے خلاف تشدد کا ٹریک رکارڈ رکھتا ہے۔
امریکی انٹیلی جنس ایجنسیوں نے حال ہی میں گرپتونت سنگھ پنوں کے قتل کا منصوبہ فاش کیا تھا، امریکی حکام نے بھارتی شہری نکھل گپتا پر 29 نومبر کو گرپتونت سنگھ پنوں کے قتل کی سازش کی فرد جرم عائد کی تھی۔
اس سے قبل گرپتونت سنگھ پنوں کے ساتھی ہردیپ سنگھ نجر کو کینیڈا میں قتل کردیا گیا تھا، کینیڈا نے ہردیپ سنگھ نجر کے قتل میں بھارت کے ملوث ہونے کا الزام لگایا تھا۔
