میامی اوپن:ایلینا ریباکینااور وکٹوریہ آزارینکا سیمی فائنل میں پہنچ گئیں

میامی اوپن کے دلچسپ مقابلوں کا سلسلہ ہارڈ روک سٹیڈیم فلوریڈا میں جاری ہے۔

قازقستان کی ایلینا ریباکینا اور بیلاروس کی ٹینس اسٹار وکٹوریہ آزارینکا خواتین کے سنگلز مقابلوں کے سیمی فائنل راؤنڈ میں پہنچ گئیں۔

خواتین کے سنگلز مقابلوں کے کوارٹر فائنل راؤنڈ میں قازقستان کی ریباکینا نے عمدہ کھیل پیش کرتے ہوئے حریف یونانی پلئیر کو 5-7، 7-6(7-4) اور 4-6 سے شکست دی۔

ایک اور میچ میں بیلاروس کی ٹینس اسٹار وکٹوریہ آزارینکا نے بھی کوارٹر فائنل لائن عبور کرتے ہوئے ٹاپ فور تک رسائی حاصل کرلی۔

بیلاروس کی فاتح کھلاڑی نے حریف قازقستان کی یولیا انٹونونا پوٹینسیوا کو 6-7(4-7)، 6-1 اور 3-6 سے ہرا کر ٹاپ 8 راؤنڈ کے لئے کوالیفائی کرلیا۔

ٹورنامنٹ کے سیمی فائنل رائونڈ میں قازقستان کی ایلینا ریباکینا کا مقابلہ بیلاروس کی ٹینس سٹار وکٹوریہ آزارینکا سے ہوگا۔