میامی اوپن کے دلچسپ مقابلوں کا سلسلہ ہارڈ روک سٹیڈیم، فلوریڈا میں جاری ہے۔
قازقستان کی ایلینا ریباکینا، چین کی ٹینس اسٹار ژینگ کنوین اور یونانی پلئیر ماریہ ساکاری میامی اوپن ٹینس ٹورنامنٹ کے ویمنز سنگلز مقابلوں کے تیسرے راؤنڈ میں پہنچ گئیں۔
خواتین کے سنگلز مقابلوں کے دوسرے راؤنڈ میں قزاقستان کی ایلینا ریباکینا، نے عمدہ کھیل پیش کرتے ہوئے ڈنمارک کی کلارا ٹاسن کو 6-3، 5-7 اور 4-6 سے شکست دے کر تیسرے رائونڈ کے لئے کوالیفائی کرلیا۔
چین کی ٹینس اسٹار ژینگ کنوین نے روسی حریف کو اسٹریٹ سیٹس میں 3-6 اور 2-6 سے ہرا کر تیسرے راؤنڈ کے لئے کوالیفائی کیا۔
ایک اور میچ میں یونانی ٹینس اسٹار ماریہ ساکاری نے شاندار کھیل پیش کرتے ہوئے حریف چینی کھلاڑی یوآن یو کو اسٹریٹ سیٹس میں 2-6 اور 2-6 سے ہرا کر ٹورنامنٹ کے تیسرے راؤنڈ کے لیے کوالیفائی کرلیا۔
بیلجیئم کی ایلیس مرٹینز اور جمہوریہ چیک کی کترینا سنگلز مقابلوں کے دوسرے راؤنڈ میں ہار کر ایونٹ سے باہر ہوگئیں ۔
