میامی اوپن میں فیصلہ کن معرکہ : ایلینا ریباکینا اور ڈینیئل کولنز کی فائنل میں رسائی

میامی اوپن کے دلچسپ مقابلوں کا سلسلہ ہارڈ روک اسٹیڈیم فلوریڈا میں جاری ہے۔

خواتین کے سنگلز مقابلوں کے سیمی فائنل راؤنڈ میں قازقستان کی ایلینا ریباکینا نے عمدہ کھیل پیش کرتے ہوئے حریف بیلاروس کی وکٹوریہ آزارینکا کو 4-6 ،6-0 اور 6-7(2-7)سے شکست دے کر ٹورنامنٹ کے فائنل کے لئے کوالیفائی کرلیا۔

ایک اور میچ میں اور امریکا کی کھلاڑی ڈینیئل کولنز نے بھی سیمی فائنل لائن عبور کرتے ہوئے فائنل کے لئے کوالیفائی کرلیا ۔

انہوں نے دوسرے سیمی فائنل میچ میں روسی حریف ایکٹرینا الیگزینڈروا کو اسٹریٹ سیٹس میں 3-6 اور 2-6 سے ہرا کر فائنل کے لئے کوالیفائی کرلیا۔

ٹورنامنٹ کے فائنل میچ میں قازقستان کی ایلینا ریباکینا کا مقابلہ امریکا کی ٹینس کھلاڑی ڈینیئل کولنز سے ہوگا۔