نائیجیریا کی فوج نے غلطی سے جشن میلاد النبیﷺ کی تقریب پر ڈرون طیارے سے بم برسادیئے۔
عرب میڈیا کے مطابق ریاست کدوناکی ایگابی کونسل کے علاقے میں نائیجیریا کی فوج کی جانب سے غلطی سے ڈرون حملہ اس وقت ہوا جب مقامی مسلمان حضرت محمد ﷺکے یوم ولادت کی مناسبت سے منعقد کی گئی تقریب میں جمع تھے۔
حکام نے پیر کو بتایا کہ باغیوں کو نشانہ بنانے کے لیے ڈرون کا استعمال کیا گیا لیکن وہ غلطی سے مذہبی تقریب پر گرگیا اور کم از کم 85 شہری ہلاک اور متعدد زخمی ہوئے۔
نیشنل ایمرجنسی مینجمنٹ ایجنسی نے منگل کو ایک بیان میں کہا کہ اب تک 85 لاشوں کو دفنایا جا چکا ہے جبکہ دیگر افراد کی تلاش ابھی بھی جاری ہے۔
کدونا میں آپریشنز کے انچارج نائیجیرین آرمی ڈویژن کے سربراہ نے ایک سکیورٹی میٹنگ کے دوران کہا کہ ڈرون آپریشن ایک معمول کی کارروائی تھی، نادانستہ طور پر اس کارروائی میں سیویلین آبادی نشانہ بن گئی۔
