نگران وزیر اعظم انوار الحق کاکڑ نے فوجی عدالتوں میں سویلینزکے ٹرائل پرسپریم کورٹ کے فیصلے کیخلاف اپیل دائر کرنےکا اعلان کر دیا۔کہا کہ فوجی عدالتوں کے خلاف فیصلے پر اپیل کرینگے، قانون میں تبدیلی کا حق پارلیمنٹ کے پاس ہے۔
نگران وزیر اعظم نے بتایا کہ طورخم اورچمن بارڈر سےلاکھوں لوگ جاچکے ہیں،ہماری بہت بڑی پشتون آبادی ہے،کوشش ہےڈی این اے ٹیسٹ کی طرف چلے جائیں،نادرا کوٹاسک دے دیاہے۔ ڈیڈلائن ختم ہونے کے بعد قانون نافذ کرنے والے ادارے کارروائی کریں گے، مہلت کےبعد کوئی ملاتوپکڑ کر ڈی پورٹ بھی کریں گے
انکا کہنا تھا کہ پی ٹی آئی کو 9مئی کا چیلنج درپیش ہے، عوام نے عمران خان کو ووٹ اس لیے نہیں دیا تھا کہ ریاست کے اداروں کے خلاف عمل کریں۔تاہم پی ٹی آئی کے جلسوں پر پابندی کی کوئی پالیسی نہیں، چیئرمین پی ٹی آئی کے مستقبل کا فیصلہ عدالتی کیسز کی روشنی میں ہوگا۔
