وزارت قومی تعلیم و پیشہ وارانہ تربیت کے ذیلی ادارہ نیشنل انڈومنٹ اسکالرشپ فار ٹیلنٹ NEST اور ایم سی بی اسلامک بینک کے درمیان طلبہ کو نرسنگ اسکالرشپ فراہم کرنے کے لیے معاہدہ طے پا گیا
وزارت قومی تعلیم پیشہ ورانہ تربیت میں ہونے والی تقریب میں وفاقی سیکرٹری تعلیم وسیم اجمل چوہدری اور ایم سی بی جنرل منیجر محمد ابراہیم نے مفاہمتی یادداشتوں پر دستخط کیے۔
معاہدے کے تحت ایم سی بی اسلامک بینک ہر سال نیسٹ کوبی ایس نرسنگ کے طلبہ کے لئے اسکالرشپ کی مد میں فنڈ فراہم کرےگا۔نیسٹ ان فنڈز سے وظائف کی فراہمی ، طلبہ کے انتخاب سمیت تمام امور کی شفافیت کو یقینی بنائے گا
نیسٹ اب تک چھ ہزار سے زائد طلبہ کو تعلیمی وظائف فراہم کر چکا ہے۔ نیسٹ ہر سال تین سو طلبہ کو اضافی اسکالرشپ فراہم کر رہا ہے جبکہ نرسنگ آرٹس کے علاوہ مستقبل قریب میں آئی ٹی سیکٹر اور مصنوعی ذہانت کے پروگرام کے لیے بھی اسکالرشپ پروگرام شروع کیا جائے گا
