وکی لیکس کے بانی جولین اسانج کی فوری امریکہ حوالگی کامعاملہ ٹل گیا۔
جولین اسانج کی امریکہ حوالگی کے معاملے پر لندن ہائیکورٹ مئی میں مزید سماعت کرےگی۔
لندن ہائیکورٹ کوفیصلہ سنانے سے پہلے امریکہ میں جولین اسانج کی ممکنہ سزا پریقین دہانی درکار ہے۔
2019 سےجیل میں قید جولین اسانج سال 11-2010 میں خفیہ امریکی معلومات افشا کرنے پر امریکہ کو مطلوب ہیں۔
ہائی کورٹ نے 2021 میں جولین اسانج کو امریکہ کے حوالے کرنے کے حق میں فیصلہ سنایا تھا۔
برطانوی سپریم کورٹ نے بھی 2022 میں ہائی کورٹ کا فیصلہ برقرار رکھا تھا۔
سپریم کورٹ کےفیصلےکے بعد اُس وقت کی ہوم سیکرٹری پریتی پٹیل نے بھی جولین اسانج کو امریکہ کےحوالےکرنےکی اجازت دی تھی۔
جولین اسانج کے وکلا کا مؤقف ہےکہ جولین اسانج کےخلاف مقدمہ سیاسی محرکات کے سبب بنایا گیا ہے۔