امریکی صدر ڈونلڈ ٹرمپ نے کہا کہ وہ یوکرین میں جنگ کےخاتمہ کے لیے روسی صدر ولادیمیر پوتن سے فون پر بات کریں گے۔
امریکی صدر ڈونلڈ ٹرمپ نے سوشل میڈیا پوسٹ میںا بتایا کہ وہ پیر صبح دس بجے کو روسی صدر ولادیمیر پیوٹن کو کال کریں گے۔
صدر ٹرمپ کا اپنی پوسٹ میں کہنا تھا کہ ’بات چیت کا موضوع خونی لڑائی کی بندش ہو گا، جو اب بھی ہلاکتوں کا باعث بن رہی ہے اور اوسطاً ہر ہفتے 5000 ہزار سے زائد روسی اور یوکرینی فوجیوں کو نگل رہی ہے اور تجارت کو بھی۔‘
ان کے مطابق ’اس کے بعد میں یوکرینی صدر ولادیمیر زیلنسکی سے بات کرنے علاوہ نیٹو کے متعدد ارکان سے بھی بات کروں گا۔‘
انہوں نے مزید لکھا کہ ’امید ہے کہ یہ ایک مثبت دن ہو گا اور جنگ بندی کے ساتھ ایک پرتشدد جنگ کا خاتمہ ہو جائے گا، ایک ایسی جنگ جو کبھی ہونی ہی نہیں چاہیے تھی۔‘
امریکی صدر نے امید ظاہر کی ہے کہ پیر کا دن نتیجہ خیز ہوگا، اور جنگ بندی کا امکان ہے۔
انھوں نے کہا کہ پیوٹن سے ان کے اچھے تعلقات ہیں اور امن معاہدہ ممکن ہے۔ ٹرمپ نے دہرایا کہ وہ روسی صدر ولادیمیر پیوٹن سے جلد ملاقات کے لیے تیار ہیں۔
کریملن کے ترجمان دمتری پیسکوف نے سرکاری خبر رساں ایجنسی تاس سے بات چیت میں تصدیق کرتے ہوئے کہا کہ صدر ولادیمیر پوتن اور ڈونلڈ ٹرمپ کے درمیان بات چیت کی تیاریاں جاری ہیں۔
