نیویارک کے ایک جج نے سابق امریکی صدر ڈونلڈ ٹرمپ کے خلاف فوجداری مقدمے کی سماعت کی تاریخ مقرر کر دی ہے۔
جج خوان مرچن نے ٹرمپ کے اس اعتراض پر کہ مقدمے کی سماعت سے نومبر کے صدارتی انتخابات کے لیے ان کی انتخابی مہم متاثر ہو گی، کہا کہ جیوری کا انتخاب 25 مارچ سے شروع ہو گا۔
سماعت شروع ہونے پر ٹرمپ کو اپنی انتخابی مہم چلانے کی بجائے ہر روز عدالت میں حاضر ہونا پڑے گا۔
ٹرمپ کو جن چار مقدمات کا سامنا ہے ان میں 91 الزامات شامل ہیں۔ جن میں ایک الزام یہ بھی ہے کہ وہ اپنی صدارتی مدت ختم ہونے کے بعد غیر قانونی طور پر انتہائی خفیہ دستاویزات اپنے ساتھ فلوریڈا کی اپنی نجی رہائش گاہ لے گئے تھے۔
اس مقدمے میں کہا گیا ہے کہ ٹرمپ نے اپنی صدرات ختم ہونے سے قبل غیر قانونی طور پر 2020 کے صدارتی انتخابات کو نقصان پہنچانے کی سازش کی تھی۔
ایک مقدمے میں کہا گیا ہے کہ ٹرمپ نے 2016 میں صدارتی انتخاب جیتنے سے قبل ایک پورن اسٹار کو دی جانے والی رقم کی ادائیگی کو چھپانے کے لیے کاروباری ریکارڈ میں جعل سازی کی تھی۔
سابق صدر ٹرمپ اس وقت ریپبلیکن پارٹی کی صدارتی انتخابی مہم میں سب سے آگے ہیں اور امکان ہے کہ الیکشن کے دن ڈیموکریٹک صدر جو بائیڈن کا دوبارہ مقابلہ کریں گے
