ماسکو: سابق امریکی صدر ڈونلڈ ٹرمپ کے سفارتی ایلچی اسٹیو وٹکوف جمعے کو روس کے صدر ولادیمیر پوٹن سے ملاقات کریں گے۔
ذرائع کے مطابق یہ ملاقات روس کے دارالحکومت میں طے ہے۔
یہ وٹکوف اور پوٹن کے درمیان تیسری ملاقات ہو گی، جس کا مقصد روس اور یوکرین کے درمیان جنگ بندی کی کوششوں کو آگے بڑھانا ہے۔
ذرائع کے مطابق ٹرمپ حالیہ مذاکرات کی سست رفتاری پر مایوس ہیں اور انہوں نے روسی مطالبات پر برہمی کا اظہار کیا ہے۔
گر رواں ماہ کے اختتام تک جنگ بندی نہ ہوئی تو ٹرمپ انتظامیہ روس پر نئی پابندیوں کا اعلان کر سکتی ہے۔
امریکی وزیر خارجہ مارکو روبیو نے گزشتہ ہفتے کہا تھا ’’ہم جلد جان جائیں گے کہ روس امن چاہتا ہے یا نہیں۔‘‘
گزشتہ ہفتے وٹکوف نے واشنگٹن میں پوٹن کے ایلچی کیریل دمترییف سے ملاقات کی تھی، جس کے بعد امریکہ اور روس کے درمیان قیدیوں کے تبادلے کا معاہدہ ہوا۔ اس معاہدے کے تحت دوہری شہریت رکھنے والی کسینیا کاریلینا کو رہا کیا گیا تھا۔
