ٹک ٹاک ایک فوٹو شیئرنگ ایپ لانچ کرکے سوشل میڈیا حریف انسٹاگرام کا مقابلہ کرنے کے لیے تیار ہے۔
کمپنی نے کہا ہے کہ وہ تصاویر اور متن کے لیے مختص ایک ایپ پر کام کر رہی ہے۔
واضح رہے کہ یہ سوشل میڈیا پلیٹ فارمز کی ایک دوسرے کے فیچرز نقل کرنے کی تازہ ترین مثال ہے ، اس سے قبل انسٹاگرام نے 2020 میں ایک ٹک ٹاک جیسا ویڈیو ٹول ’ریلز‘ لانچ کیا تھا۔
یاد رہے کہ ریلز کو اپنی ایپ میں مرکزی بنانے پر انسٹاگرام کی توجہ نے پہلے بھی کچھ صارفین کو مایوس کیا تھا۔
کم کارڈیشین اور کائلی جینر ان لوگوں میں شامل تھے جنہوں نے پلیٹ فارم میں تبدیلیوں کا مطالبہ کرنے والی ایک پٹیشن شیئر کی جس میں 2022 میں ایپ کی دیگر خصوصیات پر ریلز کو فروغ دیا گیا تھا۔
تاہم سخت ردعمل کے بعد انسٹاگرام نے یہ تبدیلیاں منسوخ کردی۔
ٹک ٹاک کا کہنا ہے کہ انہوں نے نوٹس ایپ کے ڈیزائن کو حتمی شکل نہیں دی ہے اور نہ ہی ریلیز کی تاریخ کی تصدیق کی ہے۔
لیکن کچھ صارفین کو موصول ہونے والی اطلاعات سے پتا چلتا ہے کہ ایپ صارفین کو فوٹو پوسٹس، اپ لوڈ یا شیئر کرنے دے گی اور لوگوں کو آوازوں اور فلٹرز کے ساتھ تصاویر کی ایک سیریز پوسٹ کرنے کی اجازت بھی فراہم کرے گی۔
