امریکی ویزا کیلئے پاکستانیوں کی درخواستوں کی تعداد اب تک کی بلند ترین سطح پر پہنچ گئی ہے۔
پاکستان میں قائم امریکی سفارت خانے کی جانب سے جاری بیان میں کہا گیا ہے کہ پاکستان میں امریکی ویزا درخواستوں کی تعداد اب تک موصول ہوئی درخواستوں میں سب سے زیادہ ہے۔ ہم پہلے سے کہیں زیادہ ویزا درخواستیں نمٹانے کی کوشش کر رہے ہیں اور ویزا اپوائنٹمنٹ کے انتظار کے اوقات کو کم کرنے کے لیے سخت محنت کر رہے ہیں۔
بیان میں کہا گیا کہ ہم نے ہزاروں نان امیگرنٹ ویزا اپائنٹمنٹس کو تیز تر کیا ہے۔
📢 🔔 Today, we’re announcing three steps to help bring down visa appointment wait times: tens of thousands of expedited appointments, flexible scheduling in either Islamabad or Karachi, and interview waiver applications for eligible applicants at the @usconsulatekhi. 🗓️ 🗽 pic.twitter.com/W4mIZY4BnF
— U.S. Embassy Islamabad (@usembislamabad) September 19, 2023
کراچی میں قائم امریکی قونصل خانے میں 2024 کے لیے طے شدہ دس ہزار سے زیادہ پاکستانی ویزا درخواست دہندگان کو نوٹس موصول ہو رہا ہے کہ ان کی اپوائنٹمنٹس 2023 میں ری شیڈول کر دی گئی ہیں، ان میں سے کچھ اگلے ہفتے کے اوائل میں ہوں گی۔
بیان کے مطابق پاکستانی مسافروں کے لیے اضافی آسانی پیدا کرنے کے لیے ویزا کے درخواست دہندگان کراچی میں قونصلیٹ جنرل یا اسلام آباد میں امریکی سفارت خانے میں اپوائنٹمنٹ اپنی آسانی کے تحت دوبارہ بک کر سکتے ہیں۔
امریکی قونصلیٹ جنرل کراچی 25 ستمبر سے کچھ ایسے درخواست دہندگان کے لیے انٹرویو کی چھوٹ کی نئی درخواستیں قبول کرنا شروع کر دے گا جنہیں پہلے امریکی ویزے جاری کیے گئے تھے۔
