پیرس اولمپکس میں گزشتہ روز جیولین تھرو میں گولڈ میڈل جیت کر تاریخ رقم کرنے والے پاکستانی ایھتلیٹ ارشد ندیم کو فرانس میں ایک تقریب کے دوران گولڈ میڈل پہنا دیا گیا ہے۔
اس مقابلے میں رنر اپ بھارت کے نیرج چوپڑہ اور تیسرے نمبر پر آنے والے گریناڈا کے اینڈرسن پیٹرکو بھی میڈلز دیے گئے۔
تقریب میں پاکستانی پرچم بلند کیا گیا اور قومی ترانہ بجایا گیا،اس موقع پر ارشد ندیم کی آنکھیں نم ہوگئیں۔
پاکستانی ایتھلیٹ ارشد ندیم نے پیرس اولمپکس میں جیولن تھرو مقابلے میں نہ صرف گولڈ میڈل جیت لیا بلکہ زیادہ دور نیزہ پھینکنے کا اولمپکس کی تاریخ کا نیا ریکارڈ بھی قائم کر لیا ہے۔
خیال رہے کہ ارشد ندیم نے اولمپک ریکارڈ کے ساتھ جیولین تھرو مقابلے میں گولڈ میڈل جیتا ہے۔ انہوں نے 92.97 میٹر تھرو کرکے نیا اولمپک ریکارڈ قائم کیا۔
ارشد ندیم پاکستان کی جانب سے اولمپکس کے انفرادی مقابلوں میں گولڈ میڈل جیتنے والے پہلے ایتھلیٹ ہیں۔
