56
پاکستان کے صوبے بلوچستان کے شہر تربت میں مبینہ سی ٹی ڈی مقابلےمیں ہلاک نوجوان بالاچ مولابخش کے قتل کا مقدمہ درج کرلیا گیا ہے۔
پولیس کے مطابق مقدمہ پولیس اسٹیشن تربت میں مقتول بالاچ مولابخش کےوالد کی مدعیت میں درج کیا گیا۔اس حوالے سے پولیس نے مزید بتایا کہ مقدمہ ایس ایچ او اور دیگر سی ٹی ڈی اہلکاروں کےخلاف درج کیا گیا۔
یاد رہے کہ سیشن جج تربت نے بالاچ مولا بخش کے قتل کا مقدمہ سی ٹی ڈی اہلکاروں کے خلاف درج کرنے کا حکم دیا تھا۔
پولیس مقابلہ میں نوجوان بالاچ کی ہلاکت کے واقعہ پر اہلخانہ اور سول سوسائٹی نے میت کے ہمراہ 23 نومبر کو تربت میں احتجاج شروع کیا اور یہ احتجاج کئی روز تک مسلسل جاری رہا۔ مظاہرین نے واقعہ میں ملوث اہلکاروں کیخلاف مقدمہ درج کرنے اور انکوائری کا مطالبہ کیا تھا۔
