پاکستان میں پنجاب سے تعلق رکھنے والے مزید سات مزدور بلوچستان میں قتل

پاکستان کے شورش زدہ صوبے بلوچستان کے ساحلی علاقے گوادر میں ایک گھر سے سات مزدوروں کی لاشیں ملی ہیں

قتل کئے گئے مزدوروں کا تعلق پنجاب کے شہر ضلع خانیوال سے ہے اور مقتولین کی شناخت ساجد، اسد، عدنان، حسیب، مقرب، عنصر اور شان کے ناموں سے ہوئی ہے جب کہ ارسلان نامی شخص زخمی ہے۔

گوادر سٹی پولیس کے مطاق ہلاک اور زخمی افراد سربندر میں حجام کی دکان میں کام کرتے تھے، لاشوں اور زخمی شخص کو گوادر اسپتال منتقل کر دیا گیا ہے۔

گوادر سٹی پولیس کے ایک افسر نے بتایا کہ مسلح افراد نے ایک گھر میں گھس کر اندھا دھند فائرنگ کی جس کے نتیجے میں وہاں موجود سات مزدور موقع پر ہلاک اور ایک زخمی ہوا ہے۔

پولیس افسر کے مطابق واقعہ جمعرات کی صبح اس وقت پیش آیا جب مزدور سربندر کے علاقے میں فش ہاربر جیٹی کے قریب ایک رہائشی کوارٹر میں سو رہے تھے۔
وپر پڑی ہیں۔

یاد رہے کہ رواں سال اپریل میں دہشت گردوں نے بلوچستان کے ضلع نوشکی میں پنجاب سے تعلق رکھنے والے نو افراد کو مسافر بس سے اتار کر شناخت کے بعد قتل کر دیا تھا۔