پاکستان کے سب سے بڑے شہر اور معاشی حب کراچی کا سیوریج سسٹم چند ملی میٹر کی بارش برداشت نہ کرسکا
کراچی میں ہونے والی موسلادھار برسات کے بعد ندی نالوں میں طغیانی آ گئی، نشیبی علاقوں سمیت ڈیفنس جیسے پوش علاقے بھی زیر آب آگئے۔
شہید ملت روڈ، شارع فیصل اور کورنگی کازوے سمیت چھوٹی بڑی شاہراہوں پر گھٹنوں گھٹنوں پانی جمع ہوگیا۔ ڈیفنس کورنگی روڈ پرپانی جمع اور ٹریفک جام ہونے سے کئی گاڑیاں خراب ہوگئیں۔
Video version: Shahra e Faisal https://t.co/VD6aNUUDTw pic.twitter.com/QbDVqRivhP
— Musaf Hanif (@the_terrific_m) February 3, 2024
موسلادھار بارش کے باعث حیدری نارتھ ناظم آباد میں اربن فلڈنگ کی صورتحال نے لوگوں کی مشکلات میں اضافہ کیا۔شہری رات بھر سڑکوں پر پھنسے رہے اور میلوں تک ٹریفک جام رہا۔ مختلف سڑکوں پر موٹر سائیکل سواروں کی بڑی تعداد سڑکوں پر دھکے کھاتے، پیدل گاڑیاں گھسیٹتے نظر آئے۔
خدا کراچی کے حال پر رحم کرے! pic.twitter.com/EGoBryBIEi
— Shiraz Hassan (@ShirazHassan) February 3, 2024
جبکہ شہر کے متعدد علاقوں میں کئی گھنٹوں تک بجلی غائب ہوگئی۔700 سے زائد فیڈر ٹرپ ہونے سے مختلف علاقے تاریکی میں ڈوب گئے، جس کی وجہ سے شہریوں کی مشکلات میں مزید اضافہ ہوگیا۔
پانچ منٹ کی بارش اور پانچ گھنٹے کی زحمت، یہ کراچی کا حال ہے https://t.co/7fZi5qAwBo
— Shiraz Hassan (@ShirazHassan) February 3, 2024
میئر کراچی مرتضیٰ وہاب نے بارش کے بعد شہر کے مختلف علاقوں میں ہنگامی دورہ کیا اور شہریوں سے اپیل کی ہے کہ وہ بلا ضرورت گھروں سے نہ نکلیں۔
Old city area, secretariat area, Tower and MA Jinnah Road still have water because of certain choking points. We deployed some machinery to clear disposal area at Hijrat Colony but some more work would be required to be done in the morning. Heading home now 🙏 pic.twitter.com/nRI7m0MLyc
— Murtaza Wahab Siddiqui (@murtazawahab1) February 4, 2024
مرتضیٰ وہاب کو حکام نے بریفنگ دی کہ جن علاقوں میں بارش تھم چکی وہاں نکاسی آب کا کام شروع کردیا گیا ہے۔
