پاکستان کی خفیہ ایجنسی کے سابق سربراہ فیض حمید نے دھرنا کمیشن میں کو بیان ریکارڈ کرادیا

پاکستانی فوج کے سابق لیفٹیننٹ جنرل  فیض حمید نے فیض آباد دھرنا کمیشن کو اپنا بیان ریکارڈ کرادیا جس میں انہوں نے حکومت کے خلاف سازش کی تردید کی ہے۔

ذرائع کے مطابق سابق ڈی جی آئی ایس آئی لیفٹیننٹ جنرل (ریٹائرڈ) فیض حمید نے کمیشن کی جانب سے دیئے گئے سوالات کے جواب میں کہا کہ تحریک لبیک پاکستان سے مذاکرات حکومت کی ہدایت پر کیے تھے۔

جنرل (ر) فیض حمید نے اپنے بیان میں حکومت کے خلاف سازش کرنے کے الزامات کی تردید کر دی۔

واضح رہے کہ فیض آباد دھرنا کمیشن ڈاکٹر اخترعلی شاہ کی سربراہی میں کام کررہا ہے جس میں سابق آئی جی طاہرعالم اورخوشحال خان بھی موجود ہیں۔