مسلم لیگ ن کے رہنما عطااللہ تارڑ نے سابق وزیر اعلی پنجاب پرویز الہی کو ضمانت دینے والےلاہور ہائی کورٹ کے جج پر ڈیل کاالزام لگادیا
لیگی رہنما نے استفسار کیا کہ پرویز الٰہی کے وکلا اور لاہور ہائیکورٹ کے جج کے درمیان کیا طے پایا؟ اربوں روپے کے ڈاکے مارنے والے کی رہائی کی خاطر توہین عدالت لگانے کی ڈیل ہوئی
عطا کا کہنا ہے کہ پرویز الٰہی کے وکلا یہ دعویٰ کر رہے ہیں کہ وہ پولیس افسران کو سزائیں دلوا کر رہیں گے۔
سوشل میڈیا
پرویز الٰہی کے وکلا اور لاہور ہائی کورٹ کے جج کے درمیان کیا طے پایا؟ اربوں روپے کے ڈاکے مارنے والے کی رہائی کی خاطر توہین عدالت لگانے کی ڈیل۔ پہلی دفعہ کسی جج نے پولیس کو کہا کہ گھر چھوڑ کے آو۔ تاریخی کرپشن پر تاریخی ریلیف۔ pic.twitter.com/93YjBFHs1X
— Attaullah Tarar (@TararAttaullah) September 3, 2023
پر جاری ویڈیو بیان میں عطااللہ تارڑ کا کہنا تھا کہ وکلا دعویٰ کر رہے ہیں کہ ان کی بات ہو گئی ہے، کورٹ نوٹس کرے گی اور پولیس افسروں کو توہین عدالت پر سزائیں سنائے گی۔
انہوں نے کہا کہ اربوں روپے کی کرپشن کرنے والے اس شخص نے ہمیشہ یہ بھڑکیں ماریں کہ میں نے عدالتوں کو مینج کرلیا ہے، اب اگر ان کے وکلا وقت سے پہلے یہ کہہ رہے ہیں کہ جج صاحب کل ہی پولیس افسران کو سزائیں دے دیں گے تو یہ سسٹم پر بہت بڑا سوالیہ نشان ہے کہ وہ کرپشن کا پیسہ جاتا کہاں ہے، جو 2300 ارب روپے کی کرپشن کی گئی ہے۔
