پوپ فرانسس کا انتقال دماغی فالج اور ہارٹ فیل ہونے سے ہوا

کیتھولک مسیحیوں کے روحانی پیشوا پوپ فرانسس کے ڈیتھ سرٹیفکیٹ میں موت کی وجہ سامنے آ گئی۔

پوپ فرانسس جن کا نام خورخے ماریو برگولیو تھا کی ان کا 88 برس کی عمر میں 21 اپریل کو انتقال ہوا تھا۔

ان کے ڈیتھ سرٹیفکیٹ کے مطابق پوپ فرانسس کا انتقال پیر کی صبح 7 بج کر 35 منٹ پر ہوا، موت کے وقت پوپ فرانسس ویٹی کن میں واقع اپنے اپارٹمنٹ میں موجود تھے۔

ڈیتھ سرٹیفکیٹ کے مطابق پوپ فرانسس کا انتقال دماغی فالج (cerebral stroke) اور ہارٹ فیل ہونے سے ہوا۔

رپورٹ کے مطابق وہ انتقال سے پہلے کوما میں چلے گئے تھے، موت کی تصدیق ایکو کارڈیوگرام کے ذریعے کی گئی۔

ڈیتھ سرٹیفکیٹ کے مطابق پوپ فرانسس کو ہائی بلڈ پریشر، پھیپھڑوں کی ایک دائمی بیماری اور ٹائپ 2 ذیابیطس بھی لاحق تھی جنہیں اس سے پہلے ظاہر نہیں کیا گیا تھا۔