پاکستان سپر لیگ کے نویں ایڈیشن کے افتتاحی میچ میں اسلام آباد یونائیٹڈ نے دفاعی چیمپیئن لاہور قلندرز کو یکطرفہ مقابلے کے بعد 8 وکٹوں کے بعد شکست دے دی۔
قذافی اسٹیڈیم میں کھیلے گئے لیگ کے افتتاحی میچ میں اسلام آباد یونائیٹڈ کے کپتان شاداب خان نے ٹاس جیت کر لاہور قلندرز کو پہلے بیٹنگ کی دعوت دی۔
It was a blistering Powerplay for the home side as they racked up 6️⃣6️⃣ runs 💥#HBLPSL9 | #KhulKeKhel pic.twitter.com/H1da0esKCc
— PakistanSuperLeague (@thePSLt20) February 17, 2024
قلندرز نے اننگز کا آغاز کیا تو اوپنرز فخر زمان اور صاحبزادہ فرحان نے اپنی ٹیم کو 6.3 اوورز میں 67 رنز کا آغاز فراہم کیا جس میں آؤٹ ہونے والے پہلے بلے باز فخر کا حصہ صرف 13 رنز کا رہا۔
Skipper Shaddy with the prized scalp! ☝️
Fakhar Zaman has to depart for 13 🏏#HBLPSL9 | #KhulKeKhel | #LQvIU pic.twitter.com/1G43GA01iA
— PakistanSuperLeague (@thePSLt20) February 17, 2024
دوسرے اینڈ سے صاحبزادہ فرحان نے بہترین کھیل پیش کرتے ہوئے نصف سنچری مکمل کی اور وین ڈر ڈوسن کے ساتھ مل کر اسکور کو 89 تک پہنچا دیا۔
اس مرحلے پر صاحبزادہ فرحان کی 36 گیندوں پر ایک چھکے اور 8 چوکوں سے مزین اننگز اختتام کو پہنچی۔
The power of Farhan 🔥
Behold the first 6️⃣ of #HBLPSL9 👏#KhulKeKhel | #LQvIU pic.twitter.com/xcns9sVXMa
— PakistanSuperLeague (@thePSLt20) February 17, 2024
ڈوسن کا ساتھ دینے عبداللہ شفیق آئے اور دونوں نے شاندار بیٹنگ کا مظاہرہ کرتے ہوئے صرف 7 اوورز میں 73 رنز کی ساجھے داری بنائی۔
عبداللہ 3 چھکوں کی مدد سے 28 رنز بنانے کے بعد پویلین لوٹے جبکہ ڈیوڈ ویزے کی اننگز بھی 14 رنز پر اختتام کو پہنچی۔
جنوبی افریقہ سے آئے ڈوسن نے جارحانہ کھیل کیا اور 41 گیندوں پر 3 چھکوں اور 4 چوکوں کی مدد سے 71 رنز کی اننگز تراشی اور آؤٹ نہیں ہوئے۔
Hold the pose, @imabd28 🫡
Sweeet timing off the bat 👌#HBLPSL9 | #KhulKeKhel | #LQvIU pic.twitter.com/hISzOK7hlP
— PakistanSuperLeague (@thePSLt20) February 17, 2024
لاہور قلندرز نے مقررہ اوورز میں 5 وکٹوں کے نقصان پر 195 رنز بنائے۔
یونائیٹڈ نے اننگز کا آغاز کیا تو اوپنرز نے ٹیم کو 41 رنز کا آغاز فراہم کیا جس میں کولن منرو کا حصہ صرف 5رنز کا رہا۔
United's chase 🔛 track!
Skipper Shaddy gets a life and he punishes the next delivery 🏏#HBLPSL9 | #KhulKeKhel | #LQvIU pic.twitter.com/ALstd1PuxP
— PakistanSuperLeague (@thePSLt20) February 17, 2024
ایلکس ہیلز نے 5 چوکوں اور ایک چھکے کی مدد سے 36 رنز بنائے لیکن اس سے قبل کہ وہ خطرناک ثابت ہوتے، نوجوان سلمان فیاض نے انہیں اپنی ہی گیند پر کیچ کر کے اننگز کا خاتمہ کردیا۔
62 رنز پر دو وکٹیں گرنے کے بعد کپتان شاداب خان کا ساتھ دینے آغا سلمان آئے اور دونوں نے قلندرز کے باؤلرز بالخصوص حارث رؤف اور ڈیوڈ ویزے کو آڑے ہاتھوں لینا شروع کیا۔
Captain Shadab Khan making a statement 🫡#HBLPSL9 | #KhulKeKhel | #LQvIU pic.twitter.com/EPJ5K8T9C8
— PakistanSuperLeague (@thePSLt20) February 17, 2024
دونوں کھلاڑیوں نے ناصرف بہترین شراکت قائم کی بلکہ ساتھ ساتھ رن ریٹ بھی تیزی سے بڑھانا شروع کیا اور اپنی ٹیم کو 10 گیندوں قبل ہی فتح دلا دی۔
دونوں کھلاڑیوں نے 138 رنز کی شاندار شراکت قائم کی، کپتان شاداب نے صرف 41 گیندوں پر 5 چھکوں اور 6 چوکوں کی مدد سے 74 رنز کی اننگز کھیلی۔
آغا سلمان نے بھی کپتان کا بھرپور ساتھ دیا اور 31 گیندوں پر 7 چوکوں اور 3 چھکوں کی بدولت 64 رنز کی اننگز کھیلی۔
اسلام آباد یونائیٹڈ کی جانب سے ٹائمل ملز نے دو جبکہ نسیم شاہ اور شاداب خان نے ایک، ایک وکٹ لی۔
شاداب خان کو عمدہ بیٹنگ پر میچ کا بہترین کھلاڑی قرار دیا گیا۔
Tymal Mills, Salman Ali Agha and Shadab Khan honoured for their performances tonight 👏#HBLPSL9 | #KhulKeKhel | #LQvIU pic.twitter.com/29tHJEVaJk
— PakistanSuperLeague (@thePSLt20) February 17, 2024
