چلی کے سابق صدر سیبسٹین پنیرا ہیلی کاپٹر حادثے میں ہلاک

چلی کے سابق صدر سیبسٹین پنیرا ہیلی کاپٹر حادثے میں ہلاک ہوگئے۔

74 سالہ سیبسٹین پنیرا اور تین دیگر افراد کو لے جانے والا ہیلی کاپٹر جنوبی چلی کی جھیل میں جا گرا۔

ہیلی کاپٹر حادثے میں سابق صد ر ہلاک جبکہ دیگر تین مسافر زندہ بچ گئے۔

سیبسٹین پنیرا کی لاش کو جھیل سے نکال کر پوسٹ مارٹم بھی مکمل کرلیا گیا ہے۔

دوسری جانب سے چلی کے صدر نے سیبسٹین پنیرا کے انتقال پر ملک بھر میں 3 روزہ قومی سوگ کا اعلان کیا ہے ۔

2010 اور 2022 کے درمیان دو مرتبہ صدر رہنے والےسیبسٹین پنیرا کی جمعہ کو سرکاری اعزاز کے ساتھ تدفین کے لیے تیاریاں شروع کر دی گئی ہیں۔