انڈیا سے تعلق رکھنے والے معروف غزل گائیک طویل علالت کے بعد 72 سال کی عمر میں پیر کو چل بسے۔
گلوکار کی بیٹی نایاب ادھاس نے شوشل میڈیا پلیٹ فارم انسٹاگرام پر ان کی موت کا اعلان کیا۔
ان کی بیٹی نے اپنی انسٹاگرام پوسٹ پر لکھا کہ ’ہم بڑے دکھ کے ساتھ اطلاع دے رہے ہیں کہ پنکج ادھاس طویل عرصے تک علیل رہنے کے بعد 26 فروری 2024 کو چل بسے ہیں۔‘
View this post on Instagram
پدما شری ایوارڈ پانے والے پنکج ادھاس نے انڈین سینیما اور پاپ موسیقی کے فروغ میں اہم کردار کیا۔ انہوں نے اپنے پیچھے موسیقی کا شاندار ورثہ چھوڑا ہے۔
ان کی گائے ہوئے گیت ’چٹھی آئی ہے‘، ’چاندی جیسا رنگ ہے تیرا‘ اور ’نہ کجرے کی دھار‘ بہت مشہور ہوئے۔
پنکنج ادھاس نے 1980 میں اپنی غزل البم ’آہٹ‘ سے شہرت پائی جس کے بعد ان کے ترنم، مکرر اور محفل کے نام سے مزید البم آئے۔ انہوں نے گلوکارہ لتا منگیشکر کے ساتھ 1990 میں فلم گھائل کا دو گانا ماہیا تیری قسم بھی گایا۔
ان کی آخری رسومات منگل کو ادا کی جائیں گی۔ پنکج کے پسماندگان میں اہلیہ فریدہ ادھاس، بیٹیاں نایاب اور ریوا ادھاس اور بھائی نرمل اور منہر ادھاس شامل ہیں۔
